و بعد ما اتخرجت الحمدلله
I got engaged to the most amazing, caring, and loving man i've ever known <3
it was so magical and you could actually feel the love in the air :")
..حتكلم شويه عن تفاصيل الشبكة
عملتها في قاعة السلطانة في فندق الحياة جدة كونتيننتال في جدة
الفندق جدا رائع و الخدمة ممتازة و اسعاره متوسطة
عندهم قاعتين كبيرة و صغيرة وكلهم تصميمهم كلاسيك و هادئ و جميل مرره
انا عملتها في الصغيرة
و صممت الكروت بنفسي :D
نجي للفستان و ما ادراك ما الفستان
طبعا اهم شي في اي مناسبة زي كدا هوا فستان العروسة
و انا فستاني جا بالبركة xD
فجأة قررت اروح البحرين و اجيب فستان من هناك
بعدين اكتشفت انو كل عرايس البحرين يجوا السعودية عشان يشتروا فساتينهم لانو ما عندهم فساتين جميلة ابدااا
بس لقيت محل تفصيل فساتين عرايس و كان اكبر و اشهر محل في البحرين
اتورطت و فصلت فستان عنده و المفروض انو يرسلي هوا على السعودية لانه ما يمديه يخلصه في اسبوع
و برضو وافقت !
رجعت جدة على رمضان و الشبكة في بداية شوال
بس المحل وعدنا انو يرسله اول اسبوع في رمضان عشان يمديني اشوف في تعديلات او لا
المهم انو خلص رمضان و انا ما شفت فستان ولاهم يحزنون xD
طبعا اتوكلت على ربنا و نزلت كل محلات و اسواق الفساتين في جدة و رمضان كلو راح في الاسواق </3
بس الحمدلله على اخر الايام لقيت فستان احلامي جاهز و حبيته من اول نظرة ههههه
من دميتريوس للمصمم RONALDJOYCE
بوكيه الورد عملته صناعي من محل قصر الورود
و الكيكة برضو من المبدعين FabSweets في ستارز افينيو
ارسلتلهم صورة الفستان و قلتلهم فاجئوني
و حقيقي طلعت من اجمل الكيكات اللي شفتها في حياتي <3
بعدين لفييت كل جدة ادور سبورة طباشير كبيرة و مرتبة
مافي في ولا مكتبة وولا مكان
في الاخير بابا الله يسعده راح جاب بورد و عمله اطار خشب و رشو ببوية سودا
و تاراااا سارت سبورة بالزبط تنكتب بالطباشير عليها و تتمسح
و اختي رغد الفنانة رسمت الرسمة <3
و اخر شي المصورة كانت استديو أضواء
تعاملهم جدا مريح و عندهم باكيجات متنوعة و مناسبة للي تحتاجيه
و بما انو التصوير يجري في دمي ف اغلب الحركات كانت افكاري xD
بس مرره انبسطت معاهم و ماخلوني اتوتر ابدا
and finally
Meet Mr and Mrs Alamoudi <3
Alhamdullah it was a year full of joy and happiness and i wish yours was too
و حبيت اشارككم جزء منها و ان شاءالله دحين حافضى اكتر اني انزل بوستز و اشارككم معلوماتي المتواضعة
<3<3
